Një shkrim nga Eriselda Ternova, Librazhd: "Të flasësh nëpërmjet ngjyrave..."

You are here

  • 20-07-18 |

Një shkrim nga Eriselda Ternova, Librazhd: "Të flasësh nëpërmjet ngjyrave..."

Është vetëm 13 vjeç dhe duket mjaft i fortë dhe i vendosur në atë çka dëshiron në jetë. Njihuni me Flamurin, një djalë i talentuar në pikturë, nga fshati Gizavesh i Librazhdit. Deri më tani ai ka arritur të hapë dy ekspozita me pikturat e tij. Njëra prej tyre u realizua pranë ambienteve të “SHMB” Dorëz dhe tjetra në qytetin e Librazhdit. 

Teksa e kam përballë, e ka shumë të vështirë të komunikojë me mua, por mungesa e fjaleve nuk e zbeh aspak talentin me ngjyrat. Gjatë rrugës për te shtëpia, ku na priste nëna e tij për të na treguar historinë e trishtë dhe njëkohësisht të bukur të Flamurit, gjestet që e shoqëronin Flamurin ishin të larmishme. Ajri i ngrohtë dhe mikpritës ndihej deri tek porta e shtëpisë. Nëna e tij priste në pragun e derës mbërritjen tonë. Sapo arritëm, u akomoduam në dhomën e ndenjes.

“Gjithçka nisi në vitin 2004 kur Flamuri vjen në jetë, Ishim shumë të lumtur për ardhjen e tij. Çdo gjë shkonte për së mbari deri kur Flamuri mbushi 2 vjeç”- tregon nëna e tij me lot në sy.

Pikërisht në këtë kohë familjen e tij e pushtoi një brengë e pashpjegueshme. Ata vunë re se diçka nuk shkonte me të. Ata i flisnin, e përkëdhelnin, por ai nuk i përgjigjej në asnjë moment. Brenga e tyre filloi të bëhej akoma edhe më e madhe. Kështu që ata vendosën ta kontrollonin tek mjeku pediatër për të mësuar se çfarë nuk shkonte siç duhet me të. Pas shumë vizitave, netëve pa gjumë dhe vajtjeve nëpër dyert e spitalit, pediatri u bën të ditur prindërve se Flamuri i vogël nuk do të mund te fliste dhe të dëgjonte asnjëherë në jetën e tij. Pavarësisht se kjo gjë i ligështoi shumë prindërit dhe familjen e Flamurit, ata u bënë akoma edhe më të bashkuar me njëri-tjetrin duke u bërë forcë për çdo anëtar të familjes. Vitet kalonin pa kuptuar dhe Flamuri rritej dita ditës duke e mbushur familjen plot me gëzim.

Në vitin 2010 Flamuri ulet për herë të parë në bankat e shkollës për të marrë dije që do t’i shërbenin për të ardhmen. Ambientimi i tij me shkollën nuk ishte aspak i vështire. Atje ai gjeti miqësinë dhe ngrohtësinë që kishte nevojë. Filloi të njohë një jetë ndryshe nga ajo brenda katër mureve të shtëpisë. Filloi të mësohet me botën e jashtme e të shohë se sa bukur e kishte krijuar zoti natyrën. Çdo ditë në shkollë ishte e veçantë për të. Ai luante dhe gëzonte me shokët e tij. Ditët e para komunikimi me shokët ishte paksa i vështirë, por në ditët pasuese ata kuptoheshin me njëri-tjetrin nëpërmjet shenjave, mimikave dhe gjesteve të ndryshme. Lumturinë që ndjente e tregonte nëpërmjet buzëqeshjeve që shkëlqenin në fytyren e tij. Dashurinë nëpërmjet përqafimeve të panumerta që i falnin njëri-tjetrit në klasën ku ai ishte pjesë. Flamuri nuk ndiehej për asnjë çast ndryshe në klasën e tij. Ai ndihej një me ta dhe kjo ia shtonte më shumë buzëqeshjet në fytyrën e ciltërt. Një mbështetje të madhe ai e gjente dhe nga mësuesi i tij kujdestar që ishte dhe zbuluesi i talentit të tij të veçantë.

Një ditë të bukur dimri ku dielli kishte zënë vend në dritaren e klasës së Flamurit, profesori futet në klasë me disa fleta të bardha dhe lapsa shumëngjyrëshe ku sinjalizoi se tashmë zilja kishte rënë për orën e vizatimit. Secili mori nga një fletë. Flamuri i ulur në bankën e parafundit nis të pikturojë duke u futur në brendësi të pikturës. Vizatimi i tij ishte mahnitës. Një pamje piktoreske kishte zënë rrënjë në fletën e bardhë të Flamurit. Në atë vizatim ishte pikturuar një vend i gjelbëruar me pemë të larta dhe një diell i fortë që shkëlqente. Ishte një pikturë shumë shpresëdhënëse, një pikturë që tregonte shumë mirë se asnjëherë nuk duhet t’i dorëzohemi jetës, por t’i bëjmë ballë në mënyrën më të mirë të mundshme. Duke hedhur sytë nga fleta e Flamurit, mësuesi habitet me atë çfarë i kishin zbuluar sytë. U mahnit nga talenti i tij. U mahnit nga mënyra se sa bukur i kishte kombinuar ngjyrat me njëra-tjetrën.

Çdo ditë që kalonte sa vinte e bëhej edhe më frytdhënëse për Flamurin dhe për pikturat që ai hidhte në telajo. Në shkollën ku ai shkon, të gjithë krenohen me veçantinë dhe vizionin e madh që ai ka për të ardhmen. Prindërit gjithashtu krenohen me gëzimin e familjes së tyre. Muret e shtëpisë së familjes tashmë janë të mbuluara nga pikturat e Flamurit. Secila prej tyre përcjell një ndjesi te vecantë. Flamuri pjesën më të madhe të kohës e kalon duke pikturuar. Pikturat që ai bën janë rrënqethëse dhe me të vërtetë tregojnë dhe shprehin mjaft mirë atë çka ai ndjen në shpirt e që nuk mundet dot ta shprehë nëpërmjet fjalëve. Që nga dita e lindjes së tij e deri më sot kanë kaluar 14 vite plot ngjyra me gjallëri dhe falë këtyre ngjyrave ai vazhdon të qëndrojë i fortë përballë jetës. Njësoj si ditën e parë kur u bë pjesë e saj.

Ekspozitat që ai bëri e bënë atë shumë të njohur në të gjithë qytetin e Librazhdit. Në ekspozitën e tij të parë, të cilën e bëri pranë ShMB “Shefqet Dosku” Dorëz, ai ekspozoi 40 piktura. Për realizimin e kësaj ekspozite ndihmoi shumë drejtoria e shkollës dhe disa aktorë të tjerë të komunitetit. Pjesëmarrja ishte e kënaqshme dhe me anë të humanizmit që treguan secila klasë e kësaj shkolle, mësuesit dhe pjesëmarrësit e tjerë, arritën të shiteshin pjesa më e madhe e pikturave. Flamuri shprehej nëpërmjet gjesteve se ndihej shumë i kënaqur dhe mirënjohës për përkrahjen dhe mbështetjen e dhënë.

Nuk kaloi shumë kohë kur Flamuri mori lajmin e gëzueshëm që Bashkia Librazhdit kishte dhënë miratimin që ai të hapte ekspozitën e tij të dytë në qytetin e Librazhdit. Emocionet e tij ishin shumë më të mëdha. Shoqërimi i tij u bë nga familja dhe disa pjestarë të stafit të World Vision, që ishte një ndër kontribuesit më të mëdhenj të këtij organizimi. Pjesëmarrja ishte akoma edhe më e madhe. Emocionet kishin pushtuar të gjithë qënien e Flamurit. Pikturat ishin të reja dhe me motive ndryshe nga ato të parat. Ekspozita e dyte shkoi shumë mire. Për të  World Vision  kishte përgatitur një dhuratë simbolike. Kjo gjë bëri që ai të ndihej i vlerësuar për punën që kishte bërë.

Mbyllja e këtyre dy ekspozitave me sukses nuk shënojnë fundin e sukseseve të talentit të tij. Përkundrazi, ai vazhdon të pikturojë çdo ditë me përkushtimin më të madh në mënyrë që suksese të tjera ta mbushin jetën e tij dhe të familjes me gëzime. Jeta e vuri përballë shumë peripecive, por ai arriti t’i bëje ballë mjaft mirë. Talenti dhe vullneti që e karakterizojnë Flamurin janë bërë shtysë që ai të ngjitet në shkallët më të larta që jeta i ofron. Me shpirtin krijues dhe instiktin e një djali të guximshëm, Flamuri na shpreh nëpërmjet pikturave të tij që duhet të kemi më tepër vullnet për jetën dhe të mos i trembemi asaj, pasi vullneti, dëshira dhe guximi janë celësi i suksesit.

 

Tungjatjeta.al

 
Altin, 3 vjeç
Librazhd

Altini e takojmë në oborrin e shtëpisë… Në muajin Shkurt ai bën 3 vjeç… Ka një buzëqeshje të ëmbël dhe kur qesh sytë e tij të mëdhej i nd

Sara, 6 vjeçe
Librazhd

Sara vuan nga encefalopatia dhe epilepsia.

Elvani, 8 vjeç
Librazhd

Ka kaluar temperaturë të brendshme. Diagnozë e papërcaktuar.

Soni, 11 vjeç
Librazhd

Irena, 10 vjeçe
Librazhd

Vuan nga autizmi. Ka nevojë për trajtim të specializuar.

Leonora, 16 vjeçe
Librazhd

Vuan nga encefalopatia epileptogjene. Ka nevojë për seanca logopedie.

Ana, 15 vjeçe
Librazhd

Diagnostikuar me epilepsi. Nuk mund te ecë dhe të flasë. Me 400 lekë në muaj do të marrë ndihmë te specializuar!

Klajdi, 11 vjeç
Librazhd

I diagnostifikuar me Paraplegji.  Me 400 lekë në muaj do mund të marrë seanca fizioterapie për të përmirësuar lëvizjet e tij.

Bruna, 7 vjeçe
Librazhd

 Diagnostikuar me çrregullime të spektrit të autizmit.

Ardiani, 8 vjeç e gjysmë
Librazhd

Vuan nga autizmi. Me 400 lekë në muaj do të mund të ndjekë një plan individual zhillimi, me ekip të specializuar!

Arta, 7 vjeçe
Librazhd

Vuan nga paraliza cerebrale. Nuk mund të qëndrojë në këmbë për nje kohë të gjatë.

Donaldi, 10 vjeç
Librazhd

Emiljano, 2 vjeç
Librazhd

Vuan nga encefalopatia. Me 400 lekë në muaj, ai do të mund të ecë.

Emanueli, 4 vjeç
Librazhd

Vuan nga encefalopatia dhe paraliza e gjymtyrëve të poshtme. Me 400 lekë në muaj, ai do të mësojë të qëndr

Selma, 4 vjeçe
Librazhd

Vuan nga Spinofibi ( deformime të shtyllës kurrizore).

Oligerta, 14 vjeçe
Librazhd

Ka zhvillim të vonuar. Ajo nuk flet, nuk reagon ndaj asgjëje, nuk lëviz asnjë gjymtyrë.

Arjani, 15 vjeç
Librazhd

Vuan nga autizmi fëminor. Ka nevojë për shërbime logopodie.

Jasmina, 7 vjeçe
Librazhd

Vuan nga Sindroma Rett, një sëmundje e rrallë gjenetike që e bën të sëmurin të humbasë të folurën, oreksin, përdorimin e duarve dhe shumë

Marigleni, 9-vjeç
Librazhd

Vuan nga autizmi. Ka nevojë për seanca logopedie.

Fjorida, 11 vjeçe
Librazhd

Vuan nga ischemia cerebrale e avancuar.
Me 400 lekë në muaj ajo do të mund fillojë të flasë më qartë.

Juliani, 12 vjeç
Librazhd

Ai ka probleme me shikimin.
"Me 400 lekë në muaj, unë do të mund të shikoj më mirë".

Alesia, 9 vjeçe
Librazhd

Vuan nga paraliza cerebrale.
"Me 400 lekë në muaj, unë do të mundem të shkoj në shkollë me makinë."

Gabriela, 15 vjeçe
Librazhd

Vuan nga çrregullimet e spektrit të autizmit.
“Me 400 lekë në muaj, unë do të mundem të mësoj gërmat e alfabetit".

Twitter Feed

 

Facebook Feed

 

Jetë në plotësi për çdo fëmijë

Ne punojmë në mbi 

220

komunitete

10

zona të Shqipërisë

13

Bashki

32,000

fëmijë janë pjesë e programit të Letërkëmbimit.

Ne punojmë në

10

Komuna

19

Komunitete

Na Kontaktoni

Shqipëri
  • Rruga “Skënderbej”, Ndërtesa Gurten,
    Kati 2, Tirana, Albania
  • Tel: +355 4 2419601
  • Email: tirana@wvi.org
Kosovë
  • Mujo Ulqinaku Nr. 1, Qyteza Pejton
    Prishtina 10000, Prishtinë, Kosovë, 10000
  • Tel: +381 (0)38 221 812

Newsletter

Regjistroni emailin tuaj për të marrë njoftimet tona.

Na Ndiqni